Monday, March 9, 2015
Sunday, May 29, 2011
നല്ലസ്ക്രാപ്.കോം രണ്ടാം വാര്‍ഷികത്തിലേക്ക്....
യുക്തിയുടെ വരവ്‌ ബുദ്ധിയിൽ നിന്നാണെങ്കിൽ, വികാരങ്ങൾ പറയുന്നത്‌ ഹൃദയത്തിന്റെ ഭാഷയാണ്‌.. നല്ലസ്ക്രാപ്പ്‌.കോം ആവട്ടെ, സാങ്കേതികവിദ്യയുടെ സഹായത്തോടെ തങ്ങളുടെ വികാരങ്ങൾ പ്രകടിപ്പിക്കാൻ ഹൃദയങ്ങളെ സഹായിക്കുന്നു... ഓർക്കുട്ട്‌, ഫേസ്ബുക്ക്‌ പോലെയുള്ള സോഷ്യൽ നെറ്റ്‌വർക്കുകളിൽ സ്ഥിരമായി വന്നുപോകുന്നവരുടെ ഹൃദയവികാരങ്ങളെയാണ്‌ നല്ലസ്ക്രാപ്പ്‌.കോം ലക്‌ഷ്യം വയ്ക്കുന്നത്‌.യാദൃശ്ചികമാവാം, നല്ലസ്ക്രാപ്പിന്റെ തുടക്കവും ഓർക്കുട്ടിൽ നിന്നാണ്‌. കമ്പ്യൂട്ടർ മാനിയ തലയ്ക്ക്‌ പിടിച്ച ഒരു കൂട്ടം ചെറുപ്പക്കാർ ഓർക്കുട്ടിൽ കണ്ടുമുട്ടുന്നു, സുഹൃത്തുക്കളാവുന്നു.. തങ്ങളെ കൂട്ടിയിണക്കിയ ഓർക്കുട്ടിന്‌, അതുവരെ കണ്ടുപോന്ന കെട്ടും മട്ടും മാറ്റുന്ന തരത്തിലുള്ള എന്തെങ്കിലുമൊന്ന് പകരം നൽകണമെന്ന അവരുടെ ചിന്തയിൽ നിന്നാണ്‌ നല്ലസ്ക്രാപ്പ്‌.കോം പിറവിയെടുക്കുന്നത്‌.
നിഖിൽ ഹുസ്സൈൻ, ഷെറിൻ ഭരതന്നൂർ, മനു കല്ലറ എന്നീ മൂവർ സംഘത്തിന്റെ ബുദ്ധിയിലുധിച്ചതാണ്‌ നല്ലസ്ക്രാപ്പ്‌.കോം എന്ന ആശയം. അങ്ങനെ ആണെങ്കിലും സൌഹൃദത്തിനു ഏറെ പ്രാധാന്യം കൊടുക്കുന്ന ഇവര്‍, തങ്ങളുടെ സുഹൃത്തുകളെ കൂടി ഇതിന്റെ ഭാഗഭാക്കാക്കി. അമല്‍ ദേവ്, ദുല്‍ക്കത് മുഹമ്മദ്‌ എന്നിവരുടെ സഹായങ്ങള്‍ എത്ര പ്രശംസിച്ചാലും മതിയാകില്ല.
ഇന്റർനെറ്റിലെ ജനഹൃദയങ്ങളുടെ സന്ദേശവാഹകരായി ജൂൺ ഒന്നിന്‌ 'നല്ലസ്ക്രാപ്.കോം' രണ്ടാം വാര്‍ഷികത്തിലേക്ക് കടക്കുമ്പോള്‍ കാലത്തിന്റെ ചിറകിൽ തങ്ങൾക്കായുള്ള വിജയകിരീടം കാത്തിരിപ്പുണ്ടെന്ന് ഉറപ്പായിരിക്കുന്നു. ലോകത്താകമാനമുള്ള മലയാളി മനസ്സുകളെ വളരെ പെട്ടെന്ന് തന്നെ കീഴടക്കാൻ സാധിച്ചതിലും അത്ഭുതമില്ല. തങ്ങൾ അണിയിച്ചൊരുക്കുന്ന വൈവിധ്യവും നിലവാരവും ഒത്തിണങ്ങിയ സ്ക്രാപ്പുകൾ ചുരുങ്ങിയ സമയത്തിനുള്ളിൽ അനേകം ആരാധകരെയാണ്‌ നല്ലസ്ക്രാപ്പ്‌.കോം-ന്‌ നേടിക്കൊടുത്തത്‌.
നല്ലകാര്യങ്ങളെ രണ്ടുകയ്യും നീട്ടി സ്വീകരിച്ച്‌, വേണ്ട വിധത്തിൽ പ്രോത്സാഹിപ്പിക്കുന്നവരാണ്‌ മലയാളികൾ എന്നതിന്‌ ഉത്തമോദാഹരണമാണ്‌ നല്ലസ്ക്രാപ്പ്‌.കോം-ന്റെ വിജയം.
Sunday, March 13, 2011
Monday, January 3, 2011
നല്ലസ്ക്രാപിനു പുതിയ മുഖം, പുതിയ ഭാവം
നല്ലസ്ക്രാപ് അതിന്റെ യാത്ര തുടങ്ങിയിട്ട് ഒന്നരവര്‍ഷം ആകുന്നു.. ഇതിനോടകം തന്നെ മലയാളികളുടെ മനസ്സില്‍ വ്യക്തമായ സ്ഥാനം നേടാന്‍ കഴിഞ്ഞു എന്നത് തന്നെ അഭിമാനകരമാണ്. ഒന്നാം വാര്‍ഷികത്തിന്റെ ഭാഗമായി സൈറ്റ് തന്നെ പുതിയ രൂപത്തിലും ഭാവത്തിലുമാണ് ഞങ്ങള്‍ അവതരിപ്പിച്ചത്. അതോടൊപ്പം മലയാളികള്‍ക്ക് വായിക്കുവാനും വിജ്ഞാനം പകരുന്നതിനുമുള്ള ഒട്ടേറെ സൈറ്റുകളുടെ ലിങ്ക് സൈറ്റില്‍ ഉള്‍പെടുത്തുകയും ചെയ്തു.
ലോകത്തിന്റെ വിവിധ ഭാഗങ്ങളില്‍ നിന്നുമുള്ള ഒരുപാട് മലയാളി സുഹൃത്തുക്കള്‍ facebook വഴിയും ഓര്‍ക്കുട്ട് വഴിയും ബ്ലോഗ്‌ വഴിയും ഞങ്ങള്ക്ക് പിന്തുണ നല്‍കി. എല്ലാവരോടും ഞങ്ങള്‍ നന്ദി അറിയിക്കുന്നു. തുടര്‍ന്നും എല്ലാവരുടെയും സഹകരണങ്ങള്‍ പ്രതീക്ഷിക്കുന്നു... 2011 മുതല്‍ ഒരുപാടു വിഭാഗങ്ങളില്‍ പുതിയ സ്ക്രാപുകള്‍ ഞങ്ങള്‍ ചേര്‍ത്തിട്ടുണ്ട്. അതോടൊപ്പം കലണ്ടര്‍ wallpaper കൂടി ആഡ് ചെയ്തിട്ടുണ്ട്. ഇനിയും ഒരുപാട് മാറ്റങ്ങള്‍ക്കുവേണ്ടി ഞങ്ങള്‍ ശ്രമിച്ചുകൊണ്ടിരിക്കുകയാണ്. രണ്ടാം വാര്‍ഷികം ആകുമ്പോഴേക്കും എല്ലാ മലയാളികളുടെ ഹൃദയം കവരുന്ന സൈറ്റ് ആയി മാറാന്‍ നല്ലസ്ക്രാപ് നു കഴിയും
Wednesday, September 30, 2009
നല്ലസ്ക്രാപ് - വിജയകരമായ നാല് മാസങ്ങള്‍ പിന്നിടുന്നു
നാല് മാസങ്ങള്‍ കൊണ്ടു മലയാളികളുടെ പ്രിയപ്പെട്ട സ്ക്രാപ്‌ സൈറ്റ് ആയി മാറാന്‍ നല്ലസ്ക്രാപ് നു കഴിഞ്ഞു എന്നത് വലിയ നേട്ടം തന്നെയാണ്. മലയാളത്തിലെ വേറെ ഒരു സ്ക്രാപ്‌ സൈറ്റ് നും നേടാന്‍ കഴിയാത്ത അസൂയാവഹമായ മുന്നേറ്റമാണ് നല്ലസ്ക്രാപ് നടത്തിയതെന്ന് നിസ്സംശയം പറയാം. മറ്റു സൈറ്റുകളില്‍ ഇല്ലാത്തതും വ്യത്യസ്തത ഉള്ളതുമായ കുറച്ചു സ്ക്രാപ്സ് ഞങ്ങള്‍ ചേര്‍ക്കുകയും അതെല്ലാം വലിയ ഹിറ്റ്‌ ആയിമാറുകയും ചെയ്തു. അങ്ങനെ ഹിറ്റ്‌ ആയതില്‍ പ്രധാനം കലാലയം സ്ക്രാപ്സ് ആയിരുന്നു.
തുടക്കത്തില്‍ തന്നെ ഞങ്ങള്‍ പ്രതീക്ഷിച്ചതിനെക്കാലും വലിയ പ്രതികരണമാണ് കലാലയം സ്ക്രാപ്സ് നു ലഭിച്ചത്. ഓരോ ദിവസവും അനേകം കലാലയ ഫോട്ടോകള്‍ ആണ് ഞങ്ങള്ക്ക് മെയില് വന്നത്. ഇപ്പോഴും വന്നുകൊണ്ടിരിക്കുന്നതും. അവരവര്‍ പഠിച്ച പഴയ കലാലയം കാണുമ്പൊള്‍ ഉണ്ടാകുന്ന ഗൃഹാതുരത അനിര്‍വചനീയം തന്നെയാണ്. കലാലയം സ്ക്രാപ്‌ സമയത്തു ചെയ്തു തീര്‍ക്കുവാന്‍ മനു കല്ലറ കാണിച്ച ആത്മാര്‍ത്ഥതയെ എത്ര അനുമോദിച്ചാലും മതിയാകില്ല. അതുപോലെതന്നെ ഓണം സ്ക്രാപ്‌ വന്‍ വിജയമാക്കിയ ലോകമെംബാടുമുള്ള മലയാളികള്‍ക്കും നന്ദി... ഇനിയും വ്യത്യസ്തങ്ങളായ ഒരുപിടി നല്ല സ്ക്രാപുകള്‍ ഉടന്‍ പ്രതീക്ഷിക്കുക ......
with love
Sherin Bharathannoor
Sunday, September 27, 2009
നല്ലസ്ക്രാപ്.കോം - വെറുമൊരു സ്ക്രാപിനും അപ്പുറം
2009ജൂണ്‍ 1ഞങ്ങളുടെ ജീവിതത്തിലെ മറക്കാനാകാത്ത ദിവസങ്ങളില്‍ ഒന്നായിരുന്നു അന്നായിരുന്നു നല്ലസ്ക്രാപ്.കോം എന്ന malayalam greetings സൈറ്റ് ലോഞ്ച് ചെയ്തത്. അപ്രതീക്ഷിതമായ സംഭവം ആയിരുന്നു അത്. വെറും രണ്ടു മാസത്തെ ചിന്തയും പ്രയത്നവുമായിരുന്നു ജൂണ്‍ 1നു പൂവണിഞ്ഞത്. ഗള്‍ഫ്‌ ജീവിതത്തിന്റെ വിരസതയില്‍ നിന്നും ഉടലെടുത്ത ആശയം എന്ന് വേണം ഇതിനെ പറയാന്‍.
ലോകത്തിലെ തന്നെ വലിയ കമ്മ്യൂണിറ്റി സൈറ്റുകളില്‍ ഒന്നായ ഓര്‍ക്കുട്ട് എന്റെ ജീവിതത്തെ മാറ്റി മറിക്കുകയായിരുന്നു ജീവിതത്തില്‍ ഒരിക്കലും ഗള്‍ഫില്‍ വരില്ല എന്ന വാശിയില്‍ നിന്ന ഞാന്‍ സഹപാഠിയും സുഹൃത്തുമായ മനു കല്ലറ യെ ഓര്‍ക്കുട്ട് വഴി വീണ്ടും കാണുവാനിടയാകുകയും. ഗള്‍ഫില്‍ ജോലി ഉണ്ടായിരുന്ന മനു എനിക്ക് ജോലി കണ്ടെത്തി തരികയും ഞാന്‍ അങ്ങനെ അബുദാബി യില്‍ എത്തിപെടുകയുമായിരുന്നു. പിന്നെ ഞങ്ങളുടെ സുഹൃത്തായ നിഖില്‍ ഹുസൈന്‍ നെ കണ്ടെത്തിയതും ഓര്‍ക്കുട്ട് വഴിയാണ്. അതുപോലെ പരസ്പരം കാണാതിരുന്ന ഒരുപാടു സുഹൃത്തുക്കളെ ഞങ്ങള്ക്ക് കണ്ടെത്താന്‍ സാധിച്ചു ഓര്‍ക്കുട്ട് വഴി. ഞങ്ങളുടെ ഓര്‍ക്കുട്ട് സുഹൃക്കള്‍ക്ക് വേണ്ടി എന്തെങ്കിലും ചെയ്യണമെന്ന ചിന്തയാണ് നല്ലസ്ക്രാപ് എന്ന സ്ക്രാപ്‌ സൈറ്റ് തുടങ്ങാന്‍ പ്രേരിപ്പിച്ചത്. തീരെ നിലവാരമില്ലാത്ത മലയാളം സ്ക്രാപുകള്‍ കണ്ടപ്പോള്‍ ഞങ്ങള്ക്ക് എന്തുകൊണ്ട് ഇതിനെക്കാളും മികച്ച സ്ക്രാപുകള്‍ നമ്മുടെ സുഹൃത്തുക്കള്‍ക്കായി നല്‍കി കൂടാ എന്ന ചിന്തയും ഒരു പ്രചോദനമായി.
പിന്നെ അതിനെകുറിച്ചുള്ള ചിന്തകളായിരുന്നു ഞങ്ങള്ക്ക് മൂന്നു പേര്‍ക്കും. ഞങ്ങളുടെ ലക്‌ഷ്യം വ്യത്യസ്തതയുള്ളതും മികവു പുലര്‍ത്തുന്നതുമായ സ്ക്രാപ്സ് ആയിരുന്നു. അതിനായി രാത്രികാലങ്ങള്‍ മാറ്റിവച്ചു. പിന്നീട് ഉറക്കമില്ലാത്ത രാത്രികളായിരുന്നു . ഒരു വലിയ വെല്ലുവിളി ഉണ്ടായത് ടെക്നിക്കല്‍ സപ്പോര്‍ട്ട് ചെയ്യാന്‍ ആളില്ലാത്തത് ആയിരുന്നു. ഞങ്ങള്‍ പലരെയും സമീപിച്ചെങ്കിലും നിരാശയായിരുന്നു ഫലം. ചിലര്‍ സഹായിക്കാന്‍ വന്നെങ്കിലും ലക്ഷങ്ങള്‍ ചോദിച്ചു. പിന്നെയാണ് നിഖില്‍ അവന്റെ സുഹൃത്തായ അമല്‍ ദേവ് നെ കുറിച്ച് പറയുന്നതും കോണ്ടാക്റ്റ്‌ ചെയ്യുനതും. അമല്‍ സഹായിക്കാന്‍ തയ്യാറായി മുന്നോട്ടു വന്നു. അമലിന്റെ ആത്മാര്‍ഥതയും അര്‍പ്പണബോധവും ഞങ്ങള്‍ക്കും ആത്മവിശ്വാസം നല്‍കി എന്ന് വേണം പറയാന്‍. അതുകൊണ്ട് തന്നെ പ്രഖ്യാപിച്ച തീയതിയില്‍ തന്നെ സൈറ്റ് ലോഞ്ച് ചെയ്യാന്‍ കഴിഞ്ഞു.
പിന്നെ മുന്നിലുള്ള വെല്ലുവിളി പബ്ലിസിറ്റി ആയിരുന്നു. അതിനായി ഞങ്ങള്‍ ഓരോ സുഹൃത്തിനെയും സമീപിച്ചു. അവരെല്ലാം സ്വന്തം സൈറ്റ് പോലെ പബ്ലിസിറ്റി കൊടുക്കുകയും ചുരുങ്ങിയ കാലയളവിനുള്ളില്‍ വന്‍ ഹിറ്റ്‌ ആയി മാറുകയും ചെയ്തു. സാമ്പത്തികമായി നേട്ടം ഇല്ലെങ്കിലും മാനസികമായി ഒരുപാട് സന്തോഷം ഞങ്ങള്ക്ക് ഉണ്ടായി. നല്ലസ്ക്രാപ്.കോം തുടങ്ങാന്‍ സാധിച്ചതില്‍ ഞങ്ങള്ക്ക് ചാരിതാര്‍ത്ഥ്യം ഉണ്ട്. വ്യത്യസ്തത ആഗ്രഹിക്കുന്ന മലയാളികള്‍ക്ക് വ്യത്യസ്തങ്ങളായ ഒരുപിടി സ്ക്രാപുകള്‍ സമ്മാനിക്കാന്‍ എന്നും നിങ്ങളോടൊപ്പം ഞങ്ങള്‍ ഉണ്ടാകും. നിങ്ങളുടെ വിലയേറിയ അഭിപ്രായങ്ങള്‍ ഞങ്ങളെ അറിയിക്കുക. http://www.nallascrap.com/
Subscribe to:
Posts (Atom)